Карабайда яңа күпер

Карабай авылы халкы яңа ел бәйрәме алдыннан яңа күперле булды. Үзара салым акчасына эшләнгән күпер ачылышында район башлыгы Рәшид Заһидуллин да катнашты.
- Әлеге күпер кирәклеген халык җыеннары вакытында күтәреп чыктылар. Үзара салым акчасының 30 меңенә җиңел машина да чыга ала торган күпер эшләп куйдык. Карабайлылар бик канәгать, - ди авыл җирлеге башлыгы Рамил Моратов. Күпер ачылышына килгән Алсинә апа Хөснуллина район башлыгына, авыл җирлегенә, эшләүчеләргә олы рәхмәтен җиткерде.