Кайбер апаслыларга яңа елны хастаханәдә каршы алырга туры килде

Хастаханә бәйрәм алдыннан буш калмады. Биредә дәваланучы кайбер райондашларыбызга бәйрәмне хастаханәдә билгеләп үтергә туры килсә дә, бер генә дә күңелсезләнеп утырырга урын калмады.

Алар янына махсус Кыш бабай белән Кар кызы килеп, бәйрәм оештырдылар. Район башлыгы исеменнән бүләкләр өләштеләр. Дәваланучылар да бик зур рәхмәтләр әйтеп, иң изге теләкләрен юлладылар. Ә нишлисең? Авыру сорап тормый инде ул, аның бәйрәме дә юк. Без бары тик хастаханәдә дәваланучыларга терелеп, тизрәк өйләренә кайтуларын, ә калганнарга исә авырмауларын телик.