Киң күңелле иганәчеләр ярдәмендә Каратунда бокс уеннары узды

(26 февраль, “Апастово-информ”).

Турнир бокс спорт төрен популярлаштыру, яшьләрне сәламәт яшәү рәвешенә өндәү максатларыннан оештырылды. Ярышларда Апас һәм Буа районнарыннан барлыгы 30 яшь спортчы катнашты.
“Мондый турнирлар үткәрү бик файдалы. Бокс спорт төренә балаларның кызыксынучанлыгы тагын да арта. Әлеге ярышларны үткәрүдә ярдәм иткән киң күңелле иганәчеләр Радик Гәрәев, Руслан Сәмигуллин, Әмир Заһидуллинга балалар исеменнән зур рәхмәт!”, - дип хәбәр итте бокс секциясе җитәкчесе Данис Хәкимов.