Киңәшле эш таркалмас

-Районыбызда спорт объектлары һәм спорт төрләрендә укучыларыбызның уңышлары шактый. Казан югары уку йортын тәмалап, Биеш мәктәбендә быел физкультура укытучысы булып эшли башлаган Альмир Гыйльметдинов өлкән остаз-тренерлар сафына кушылды һәм нәтиҗәле эшли. Район үзәгендә төзелүче зур, ике бассейнлы заманча спорт комплексы да яшьләргә өстәмә эш урыннары булдырачак. Тормышларын, язмышларын мәктәп, физик культура, спорт белән бәйләргә теләүче киләсе ел чыгарылыш сыйныфлары укучыларын район яшләр эше һәм спорт комитеты белән элемтәгә керүләрен сорыйбыз. Язмышларын авыл белән бәйләргә, һөнәр сайларга теләүче егет һәм кызларга бик теләп ярдәм итәчәкбез,-ди аның җитәкчесе Рафис Хәбибуллин.

Ришат Җамалиев.