Корбан гаете белән!

Мөселман кардәшләребез 24 сентябрьдә Корбан гаете бәйрәмен билгеләп үтәләр. Бу бәйрәм һәркемгә көч-куәт, илһам өстәсен, игелекле эшләргә һәм гамәлләргә өндәсен. Һәр йортка, һәр гаиләгә шатлык һәм якты өметләр алып килсен. Элеккедән килгән гореф-гадәт буенча бу көнне мөмкинлеге булган кеше сәламәтлеге, иминлеге хакына корбан чала, мөэмин-мөселманнарга таратып, савап, әҗер ала. Укыган намазлар, догалар, биргән садакаларыбыз кабул булсын, тынычлыкта, иминлектә исән-сау яшәргә язсын!

Рәшид Заһидуллин, муниципаль район башлыгы.