Күренекле рәссамнар Апас балалары өчен мастер-класслар уздыра

(8 июнь, “Апастово-информ”).

Рәссамнар ике атна дәвамында ачык һавада районыбызның истәлекле урыннарын сурәтләп, картиналар язалар. Шулай ук районыбызның Сара Садыйкова исемендәге сәнгать мәктәбенең сынлы сәнгать бүлегенә йөрүче балалар өчен мастер-класслар уздыралар.
“Рәссам, график, сәнгать белгече, Россия Рәссамнар берлеге әгъзасы, Череповец дәүләт университетының сынлы һәм декоратив-кулланма сәнгать һәм архитектура бүлеге профессоры Вера Филиппова рәсем буенча, Россиянең Атказанган мәдәният хезмәткәре Владимир Башкирковя, Казан халык сәнгать кәсепләре техникумы укытучысы Ландыш Садеретдинова әвәләү һәм керамика буенча мастер-класс тәкъдим иттеләр. Балалар бик теләп катнаштылар, бик күп кызыклы мәгълүмат алдылар”, - дип хәбәр итте сәнгать мәктәбе җитәкчесе Фатыйх Хисамов.