“Кванториум” мобиль технопаркы дәресләрендә киләчәк тәрбияләнә

(14 октябрь, “Апастово-информ”).

Зәй мәктәбендә әлеге технопаркның дәресләре башланды. Инженерлык һәм фәнни һөнәрләр абруен күтәрү - бу проектның максаты булып тора. 5нче октябрьдән башлап, Яр Чаллыдагы “Кванториум” мобиль технопаркы укытучылары Зәйнең 7нче мәктәбендә үз эшләрен башлап җибәрделәр.
Укучылар IT тармагында эшләүче белгечләр хезмәте белән танышачаклар. Укытучылар 5-11 класс балалары белән актив эш алып баралар. Технопарк укытучылары 7нче мәктәпкә быел өч тапкыр килүне планлаштыралар.
Тулаем алганда, бу проект аеруча сәләтле балаларга дөрес профориентация бирүгә юнәлгән.

Реклама