Музей күргәзмәсендә 52 сәгать, 30 сумка бар

Апас туган якны өйрәнү музеенда "Музейлар язы" акциясе кысаларында "Тукта вакыт, тукта" дип исемләнгән күргәзмә оешкан. Күргәзмәдә төрле чорда эшләгән төрле-төрле 52 данә сәгать урын алган. Өстәл, стена, кул сәгатьләре берсен-берсе кабатламый. "Сәгатьләрнең күбесенең куллану вакытлары чыккан. Ләкин без аларны кайчан туктап калган, шул көенчә куйдык", - ди музей директоры Рәмис Ногманов.

Тагын бер кызыклы күргәзмә эшли. Анда Совет заманында кулланылган 30 сумка яки акча янчыгы урнашкан. Күргәзмә төрлелеге, үзенчәлеге белән аерылып тора.