Нарядтан соң

Уйга батып, уйга чумып,

Бер көн нарядтан чыктым.

Алга табан барырга дип

Замокка ачкыч тыктым.

Бардым микән бер йөз метр -

Алда тора машина -

Өстә бик зур утлары бар,

Ял - йолт итә, шашына.

Чыкты эчтән бер гаишник -

Өр, ди бу миңа карап

Бик шикле бит күренәсең -

Әллә инде син карак?

Номерың да бит юмаган

Әллә инде син сарык?

Синең ише шоферлардан

Без инде күптән гарык!

Саф һаваны каты алып

Өрдем мин аңа карап.

Трубка бер дә үзгәрмәде

Алсу болытка охшап.

Болытлар бик куердылар

Минем баш тирәсендә

Кем генә аны куды икән

Бүген ял иртәсендә?

Дамир Сөләйманов. Коштавылы