“Орленок”та ял иттеләр

Апас мәктәбе "Яшь армия" хәрби-патриотик хәрәкәте белән республикада алдынгылар сафында. Шул уңайдан әлеге хәрәкәттә актив булган ике балага "Орленок"та ял итеп кайту мөмкинлеге тудырылды. Алар укуда һәм спортта уңышлары буенча сайлап алынды. Апас мәктәбеннән Булат Вәлиев һәм Ләйсән Зәмдиханова биредә ял итте һәм белем алды. Булат Вәлиев әлеге лагерьдан Мактау грамотасы һәм зур тәэсирләр белән кайтты.
- Биредә урманда яшәү, җирлеккә яраклашу кагыйдәләрен төшендек. Төрле спорт уеннары, Ватан тарихы, медицина ярдәме күрсәтү буенча да күнекмәләр булды, - ди Булат.