Район башлыгы кубогы «Барс»лар кулында

"Алтын алка" боз сараенда 2000 елгы һәм аннан да кече яшьтәге спортчылар арасында район башлыгы кубогына хоккей ярышлары узды. Ул иртәдән кичкә кадәр дәвам итте. Иң элек зуррак яшьтәге балалар ярышты. Биредә 6 команда катнаша. Район башлыгы кубогын Апасның "Алтын алка" командасы алды. Аннан соң, бозга 2006, 2007, 2008 елгы балалар чыкты. "Алтын алка" боз сараенда шөгыльләнүче балалар бик матур уен күрсәтте. Район башлыгы кубогын 2007 елгы балалар - "Барс"лар алды. Икенче урында - 2006 елгы балаларны берләштергән "Титан" командасы. Өченче урынны 2008 елгы балалар - "Медведи" яулады. Һәр җиңүчегә медаль, һәр командага Мактау грамотасы бирелде.