Район үзәк хастаханә, поликлиника Яңа ел көннәрендә нинди тәртиптә эшләячәк?

Сорауга районның баш табибы Алмаз Алиуллин болай дип җавап бирде:

-Барлык райондашларымны, халык сәламәтлеге сафларында торучы хезмәттәшләрем һәм хезмәт ветераннарыбызны Яңа-2018 ел белән ихластан котлыйм. Яңа елга ныклы сәламәтлек, иминлектә аяк басыйк, хөрмәтле апаслылар! Беребезгә дә авырырга язмасын. Саулык-сәламәтлек барыбызга да гомерлек юлдаш булсын дип телибез. Инде дә килеп, авырып китсәгез, төрле күңелсезлекләргә юлыксагыз, үзәк поликлиника, кизү торучы табибларга бәйрәм көннәрендә тәүлекнең теләсә кайсы вакытында мөрәҗәгать итә аласыз. Рәсми рәвештә поликлиника 30 декабрьдә иртәнге сигездән көндезге бергә кадәр, 3,6 январьда шулай ук 8.00-13.00 сәгатьләрдә эшләү графигы расланды. 9 январьда үзәк хастаханә һәм поликлиника коллективлары тулы составта һәм гадәти эш көне режимында апаслыларга хезмәт күрсәтәчәк.

Ришат Җамалиев.