Шатлык өләшүче Сания апа

(15 март, “Апастово-информ”).

Буа картлар йортында яшәүчеләр өчен оекбашлар бәйләгән ул. Күңел җылысын кушып эшләгән күчтәнәчләрен өлкәннәргә тапшыруыбызны үтенде.
-Гомере буе кул эшен яраттым. Бәйләгән оекбашларымны якыннарыма, туганнарыма, дусларыма өләштем. Бу юлы өлкәннәр өчен ун пар оекбаш бәйләдем. Аларга да бүләк итәсем килде. Савабы булсын иде, - ди Сания апа.
Сания апа үзе өлкән яшьтә булса да, бик җитез, өлгер ул. Хуҗалыгында матурлык, гүзәллек тудырырга ярата. Җәен пластик бутылкалардан төрле җанварлар – мәчеләр, этләр, филләр ясап өй алларын бизәп куя, аллы-гөлле чәчәкләр үстерә.

#яшәавылымминем