«Соцпакет»тан баш тарткан 3 апаслы бик иртә якты тормыш белән хушлашкан

Районда аерым исемлектә булган 2587 апаслы арасында тиешле һәм дәүләт бер тиен түләүсез биргән дарулар урынына акчасын өстен күрүчеләр һаман да бар. Алар бүгенгә 1651 кеше исәпләнә. Ә кайбер авыруларны җиңү, дәвалану өчен миллион сум да җитмәскә мөмкин. Быелның 1 февраленнән "соцпакет" бәясе 807 сум 94 тиен тәшкил итә...
-1 октябрьгә кадәр бу бушлай даруларга хокуклылар район Пенсия фонды аша аны рәсмиләштерергә тиеш. Урыннардагы ФАП, үзәк поликлиника белгеч-табиблары фикеренә колак салыгыз, зинһар язмышыгыз һәм тормышыгызны куркыныч астына куймагыз,-дип кисәтә районның баш табибы Алмаз Алиуллин. -Ел башыннан урынга калып кыйммәтле дарулар, ашыгыч операция кирәк була башлагач, 5 кеше безгә килеп үкенүен белдерде. Берничә апаслы исә алдагысын уйламыйча якты тормыш белән бик иртә хушлашты... Андый бәхетсезләргә без бик теләсәк тә берничек тә булыша алмадык-чөнки, Закон буенча, социаль пакеттан баш тарткач, аны бер ел дәвамында кире үзгәртеп булмый!
Ришат Җамалиев.