Удачина: Конституциягә төзәтмәләр балаларны яклау өчен - мөһим

(29 май, “Апастово-информ”).

Россия Конституциясенә тәкъдим ителгән төзәтмәләр - балаларны һәм гаиләләрне яклау өчен бик мөһим булуын белдерә Республикабызның балаларны яклау буенча вәкиле Гүзәл Удачина.

“Россиядә дәүләт сәясәтенең иң өстенлеклесе - балалар икәнлеген Конституцион норма итеп ныгытып кую бүген бик әһәмиятле”, - диде ул.
Соңгы елларда балалар мәсьәләләренең илебездә иң алга куеп хәл ителүе - горурлык уята. Балаларның хокукларын яклау, гаилә кыйммәтләрен ныгыту белән бәйле мәсьәләләр еш күтәрелә, дип өстәде Удачина.

“Иң мөһиме - әлеге мәсьәләләр бездә, чыннан да, хәл ителә. Ә инде аларны Конституциядә өстенлекле итеп ныгытып кую - илебездә алып барылган шундый сәясәтнең лаеклы дәвамы”, - дип басым ясады балалар хокукчысы.