Кырлар иңли эшчән ирләр

(8 май, “Апастово-информ”). 

Хезмәткәрләр кырга иртәнге сәгать 6да килә. Кичкә кадәр эштә алар. Көнгә 3 тапкыр кайнар аш белән тәэмин ителәләр. 

Дәвештән Наил Лотфуллин чөгендер чәчү эшендә ике генә ел  булса да, әлеге эшнең барлык серләрен өйрәнеп бетергән. Тәҗрибәле хезмәттәшләре янәшәсендә басу-кырлар иңли ул.
“Көннәр матур, җылы, вакытның кадерен белеп эшләргә тырышабыз. Бар да әйбәт, техникабыз яңа, төзек. Мул уңышлар җыерга язсын, дигән теләктә эшлибез”, - ди Наил.