Яңгырады моңлы азан

Биредә Казан үзәкләшкән дини оешма Татарстан дини нәзарәтеннән гомумэшләр буенча бүлек җитәкчесе Ильяс хәзрәт Җиһаншин, Чүпрәле районы мөхтәсибе, региональ казый Фәһим хәзрәт Әхмәтҗанов, тирә-як район мөхтәсибләре, Буа районыннан кунаклар һәм райондашлар катнаштылар. Тантаналы өлештән соң дин кардәшләребез мәчет һәм өйлә намазлары укыдылар, хәләл ризыклардан авыз иттеләр. Тантанада район башкарма комитеты җитәкчесе урынбасары Ранис Әхмәтшин катнашты һәм район башлыгы исеменнән изге теләкләрен юллап, мәчеткә келәм бүләк итте. Мәчетне төзетүче Дамир Хәсәнов та барлык мөселман халкын шушы изге бәйрәм көне белән тәбрик итте, мәчеттән халык өзелмәсен дигән теләктә калды.