4 октябрь 2016 яңалыклары
-
Апас үзәк хастаханәсендә өлкәннәрне хөрмәтләү дәвам итә
Апас үзәк хастаханәсе коллективы икенче көн рәттән өлкәннәрне мул сыйлы табыннар артына җыйды. Икенче көнне поликлиника һәм бухгалтериядә эшләп лаеклы ялга чыккан ветераннар ял итте. Аларны муниципаль район Советы аппараты җитәкчесе Илфир Гәрәев, вакытлыча баш табиб вазифаларын башкаручы Рөстәм Гайнуллин тәбрикләп изге теләкләрен җиткерделәр. Өлкәннәр үзләренә күрсәтелгән хөрмәттән бик канәгать...
-
Апаслылар Казан өчен тавыш бирә
Россиянең 200 һәм 2000 сумлык акчаларына төрле шәһәр символлары кую өчен тавыш бирү дәвам итә. "Яшәгән урыныңа агач утырт" акциясендә катнашучылар да тавыш бирүләргә кушылды.
-
“Көз килде – табын сый белән тулды“ бәйгесе тәмамланды
"Көз килде - табын сый белән тулды" бәйгесе тәмамланды. Җиңүче тавыш биреп сайланды. Иң күп тавыш җыючы ул - Татар Пүчинкәсеннән Вәлиева Сария!!! Ул 8.5 кг карбыз үстергән. Котлыйбыз! Барлык катнашучыларга рәхмәтебезне белдерәсебез килә!!!
-
Апас районы мәчетләрендә дин укулары башланды
Һәр елдагыча, 1 октябрьдән район мәчетләре каршында дин укулары башланып китте. Укулар район мөхтәсибәтенең уку-укыту эшләре буенча ярдәмчесе Шәһит хәзрәт Шәфигуллин җитәкчелегендә барачак.
-
Апас укытучылары Сабага барырга әзерләнә
Каратун мәктәбе спорт залы, ачык спорт мәйданчыгында 4 октябрьдә район укытучылары мәктәп Спартакидасы программасы нигезендә җиңел атлетика буенча үзара ярыштылар. ГТО нормативлары үтәү буенча да сынау тапшырдылар. Иң-иң көчлеләр һәм җитезләр Апас спорт данын тиздән Сабада үтәчәк Татарстан күләмендәге ярышларда яклаячак. Ришат Җамалиев.
-
Апаста шашка-шахмат буенча ярышлар була
6 октябрьдә, район мәдәният йортында, өлкәннәр ункөнлеге уңаеннан шашка-шахмат буенча ярышлар була. Әлеге бәйгедә 55 яшьтән узган хатын-кызлар, 60 яшен тутырган ир-атлар көч сынашачак. Ярышлар сәгать 10да башлана. Ярышучылар һәм җанатарлар өчен кайнар чәй һәм дәртле музыка да оештырыла.
-
Казан-Ульян юлында булган һәлакәттә үлүчеләр юк
Казан-Ульян юлында Шонгаты һәм Чурибураш авыллары аралыгында өч машина катнашында юл-транспорт һәлакәте теркәлә. "Хендай Солярис" машинасы узарга дип каршы якка чыга һәм "Шевроле Авео"га барып бәрелә. Шул ук вакытта аларга "Ниссан Кашкай" бәрелә. Бәхеткә каршы һәлакәттә үлүчеләр юк. Машинадагыларга ашыгыч ярдәм күрсәтелә. Транспортларга килгән зыян зур.
-
Апаста өлкәннәр өчен “кайнар линия“ телефоны эшли
Өлкәннәр ункөнлеге уңаеннан, 5 октябрьдә район пенсия фонды бүлегендә пенсия белән тәэмин ителеш буенча өлкәннәр өчен "кайнар линия" телефоны эшли. 9-16 сәгатьләр аралыгында 8(84376)2-11-72 яки 074 номеры аша хәбәргә чыгарга мөмкин. Пенсия фонды бүлеге белгечләре сезнең сорауларга җавап бирәчәк.