6 апрель 2017 яңалыклары
-
Апас районында 2 көндә 34 кагыйдә бозучы
Районның юл хәрәкәте иминлеге дәүләт инспекциясе хезмәткәрләре участок инспекторлары белән берлектә җомга һәм шимбә көннәрендә рейдлар уздырдылар. Шушы көннәрдә алар 34 кагыйдә санламаучы шофер белән очраша. Бер исерек транспортчы тоткарлана. Шоферлар арасында балаларын махсус утыргычта йөртмәүчеләр, куркынычсызлык каешын эләктермәүчеләр, тизлекне арттыручылар бар.
-
Апаслылар тимераякта шуарга ярата
"Алтын Алка" боз сараенда массалы шуу җомга, шимбә, якшәмбе көннәрендә уза. Бирегә көн саен 80ләп кеше килә һәм бер сәгать вакытын бозда үткәрә. Алар арасында балалар да, яшьләр дә, олылар да бар. Кышын исә тимераякта шуучылар 100дән артып китә иде.
-
“Ашыгыч ярдәм“ йөрәк авырулы райондашка ярдәм күрсәткән
Район үзәк хастаханәсенең "Ашыгыч ярдәм" бүлегенә 6 апрель көнне кан басымы авыру белән 4 кеше мөрәҗәгать иткән. Йөрәк авырулы бер авыруны хастаханәгә алып кайтып ярдәм күрсәтергә туры килгән. Аңа табиблар тиешле ярдәмне күрсәткән.
-
Олы Бакырчыдан Гөлфия Кәлимуллина Мактау грамотасына лаек булды
Районның ЗАГС бүлегендә авыл җирлеге сәркатибләре катнашында киңәшмә узды. Биредә эшчәнлеккә нәтиҗәләр ясалды, киләчәккә бурычлар билгеләнде. Олы Бакырчы авыл җирлеге сәркатибе Гөлфия Кәлимуллина һөнәри осталыгы һәм ирешкән уңышлары өчен Татарстан Республикасы Министрлар Кабинетының Актларны теркәү идарәсенең Мактау грамотасына лаек булды.
-
Апаста халык терлек асрап күпме өстәмә табыш ала?
-Районда ел башына һәр 1 йөз хуҗалыкка 37 баш сыер туры килә. Татарстанның аерым районнарында бу сан күпкә артык,-дип белдерә район авыл хуҗалыгы идарәсе җитәкчесе Ильяс Заһидуллин. - Бу ел башына узган ел белән чагыштырганда Болынбалыкчы авыл җирлегендә халыкта сыерлар саны 15 кә, Зур Күккүздә 3 кә, Табар Черкенендә 3...
-
Карамасар мәктәбендә әдәби-музыкаль кичә үтте
Карамасар башлангыч мәктәбендә "Кошлар- безнең дусларыбыз" темасы буенча әдәби- музыкаль кичә үткәрелде.Укучылар белән кошлар турында, безнең якларда кышлаучы һәм күчмә кошлар турында, аларның бик күп зарарлы бөҗәкләрне юк итеп табигатькә, кешеләргә бик күп файда китерүләре аңлатылды. Канатлы дусларыбызга сак караш һәм мәхәббәт хисе тәрбияләнде.
-
Апас үзәк китапханәсендә кичә була
11 апрель көнне, 10.00 сәгатьтә, район үзәк китапханәсе бинасында "Татарстан - уртак йортыбыз" эстафетасы, "Милли әдәбият күргәзмәләре һәм таныштыру очрашулары" кысаларында кичә оештырыла. Биредә Зиннур Мансуров, Лирон Хәмидуллин, Фатих Кутлу һәм башкалар катнашачак.
-
Апас егете Рафаэль Хәсәнов призлы урында!
Түбән Кама шәһәрендә Данил Галиев исемендә Бөтенрәсәй көрәш турниры булып узды. Биредә Апас егете, танылган көрәшчебез Рафаэль Хәсәнов икенче урынны яулады. Котлыйбыз!