13 май 2017 яңалыклары
-
Апасның “Салават күпере“ бакчасында “Ачык ишекләр“ көне
"Салават күпере" бакчасында бүген барлык группаларда да дәресләр күрсәтелде. Әти-әниләр бик теләп һәр дәрестә булдылар, күзәттеләр, нәтиҗә ясадылар. Соңыннан һәркем үз фикерен җиткерде, алга таба да "Ачык ишекләр" көннәрен ешрак үткәрергә кирәклеген әйттеләр.
-
Эшмәкәр Лилия Зәйнуллина Рөстәм Миңнехановның Дипломына лаек булды
"Ел иганәчесе - 2016" бәйгесендә катнашып, шәхси эшмәкәр Лилия Зәйнуллина Татарстан Республикасы Президенты Рөстәм Миңнехановның Дипломына лаек булды. Аңа Диплом чираттагы шимбә киңәшмәсендә тантаналы шартларда тапшырылды. Котлыйбыз, киләчәктә дә уңышлар телибез!
-
Солдат егет медальгә лаек булды
Якташыбыз, тумышы белән Әлмәндәр авылыннан булган Фәнил Әхмәтшин хәзерге вакытта армия сафларында хезмәт итә. Фәнил Бөек Җиңү бәйрәмендә Мәскәүдә узган парадта катнашты һәм медальгә лаек булды.
-
Хәния Фәрхи концертына билетны Дәвештән Фирдүс Мингазов отты
10 апрельдән 10 майга кадәр "Йолдыз" газетасына язылучылар арасында лотерея уйнатырга, отышка Хәния Фәрхи концертына билет бирергә вәгъдә иткән идек. Редакциягә килгән квитанция күчерелмәләре буенча отыш иясе билгеле булды. Ул - Дәвештән Фирдүс Мингазов. Аңа Хәния Фәрхи концертына ике кешелек билет бүләк итәбез. Җиңүчене чын күңелдән котлыйбыз!
-
Апас урта мәктәбендә регионара конференция уза
Апас урта мәктәбендә Россия Федерациясендә Экология елына багышланган "Фәнгә адымнар" регионара фәнни-гамәли конференция уза. Биредә апаслылар белән беррәттән тирә-күрше районнардан килгән мәктәп укучылары һәм укытучылар да килгән. Конференциядә район башкарма комитеты җитәкчесе урынбасары Луиза Сафина, район мәгариф бүлеге җитәкчесе Алсу Хәйруллина, Казан Федераль университеты вәкилләре, студентлар һәм башкалар катнаша.
-
“Садә“ләр фестивальдә
Биектау районының Шәпше авылында "Иске-Казан түгәрәк уены" Республика татар фольклоры фестиваленең йомгаклау өлешендә район мәдәният йорты каршында эшләп килүче Земфира Мөхәммәтшина җитәкчелегендәге "Садә" ансамбле дә катнашты. Алар "Корама юрган бәхет китерсен" тамашасын күрсәттеләр. Әлеге тамаша һәркемнең күңеленә хуш килде. Тулырак язма газетада. Гөлзада Гатауллина. Автор фотолары.
-
“Йолдыз” газетасы кубогына эстафета узды
13 майда "Йолдыз" газетасы кубогы һәм призларына җиңел атлетика буенча традицион 53нче эстафета узды. Биредә урта гомумбелем бирү мәктәпләреннән 9, төп гомумбелем бирү мәктәпләреннән 20 команда катнашты. Урта мәктәпләрдән беренче урында - Табар Черкене, икенче урында - Күккүз, өченче урында - Апас мәктәбе командалары. Төп гомумбелем бирү мәктәпләре арасында Урта...
-
Апастан Ләлә әби Шәйдуллинага 90 яшь тулды
Апас авылында гомер итүче Ләлә әби Шәйдуллина олуг юбилеен каршылады. Район башлыгы урынбасары Марат Нуриев истәлекле туган көн бәйрәме белән тәбрикләп аңа Рәсәй Президентының Котлау хатын, район башлыгы исеменнән чәчәк бәйләме һәм истәлекле бүләк тапшырды. Шәһәр тибындагы Апас поселогы башкарма комитеты җитәкчесе Фәнис Шәрәфетдинов, район ветераннар Советы рәисе Гөлнур Насыйбуллина...