13 июнь 2017 яңалыклары
-
Сабантуйга билетлар сатыла башлады
Һәр елдагыча, Сабантуй алдыннан лотерея билетлары сатыла. Аны быел да үзәк китапханәдән алырга мөмкин.
-
Биеш “Рябинушка“лары
Биеш мәдәният йорты каршында эшләп килүче "Рябинушка" ансамблен белмәгән, аларның чыгышын тыңлап сокланмаган кеше юктыр. Районда уза торган һәр чарада алар актив катнашалар, тамашачыга рус халык җырларын бик теләп тәкъдим итәләр. Аларны республикада да яхшы беләләр. Республикакүләм уза торган бәйгеләрдә призлы урыннар алып, макталып торалар. Гөлзада Гатауллина. Автор фотосы.
-
Акхуҗада изге эш башкардылар
Исәннәрнең кадерен, үлгәннәрнең каберен бел! 10-11 июнь көннәрендә Акхуҗа авылының ир-егетләре, шәhәрдән кайтучылар белән бергәләп өмә оештырып зират тирәсен рәшәткә белән әйләндереп алдылар. Катнашучыларның барысына да изге эшләре өчен, Аллаh тәгаләбез исәнлек-саулык, сәламәтлек зур саваплар бирсен иде, дигән теләктә калабыз, - дип хәбәр итә Люзия Сөнгатуллина.
-
Иң күп сөт Чурибурашта һәм Чирмешәндә
Район авыл хуҗалыгы һәм азык-төлек идарәсеннән алынган мәгълүматлардан күренгәнчә, бүген иң күп сөтне Чурибурашта һәм Чирмешәндә савалар. Биредә бер сыерга көнлек савым 28,7 һәм 26,8 килограмм туры килә. Иң түбән савым "Нур"да, Үтәмештә. Район буенча бүген бер сыерга 17,8 килограмм сөт савыла. Бу узган елгы күрсәткечтән артыграк.
-
Табар Черкененнән Мария әбигә 90 яшь тулды
Табар Черкенендә гомер итүче Сусарина Мария Алексеевна тормыш иптәше Николай белән җиде бала - 6 егет һәм 1 кыз тәрбияләп үстерәләр. Бүген алты балалары исән-сау һәм барысы да туган төбәкләрендә яшиләр. Мария әбине олуг юбилее белән район башлыгы урынбасары Марат Нуриев тәбрикләп, Рәсәй Президенты исеменнән Котлау хаты һәм район башлыгы...
-
Районда терлек азыгы хәзерләү тулы куәтенә бара
Район авыл хуҗалыгы идарәсеннән алынган мәгълүматлардан күренгәнчә,13 июньгә 2150 гектарда күпьеллык үләннәр чабылган. Шул исәптән, 140 гектардан чабылган масса терлекләр өчен, печән өчен 850, сенаж өчен 1160 гектарда чабылган.
-
Апаска Мәскәүдән Хөкүмәт хаты килде
Район Пенсия Фонды хезмәткәре Алсу Хәсәнова Россия Федерациясе Пенсия Фонды Баш идарәсенең Рәхмәт Хатына лаек булды. Аның хезмәттәше Гөлфия Салаватова да узган елда Мәскәүнең шундый ук олы танылуына лаек булган иде. Фидакарь, тынгысыз һәм җаваплы хезмәт әнә шулай зурлап хөрмәтләнгәч яхшы ул, котлыйбыз аларны! Ришат Җамалиев.