18 июнь 2017 яңалыклары
-
Чирмешән авыл җирлегенең барлык бюджет хезмәткәрләре витаминлы азык хәзерләүдә
17 июнь көнне Чирмешән авыл җирлегенен барлык бюджет хезмэткәрләре - мәдәният, авыл советы, элемтә бүлеге хезмәткәрләре, укытучылар, тәрбиячеләр, техничкалар, агрофирма бухгалтериясе хезмәткәрләре - барыбыз бердәм булып, терлекләр өчен витаминлы азык хәзерләргэ чыктык. Бергә эшләгәч эшебез дә үрчемле, күңелле дә булды. Бәйлэгән улән бәйләмнәрен бергәләп печән сараена киптерергә дә элеп куйдык.
-
Апаста яшьләр кавыша
17 июньдә Апаста яшәүче Андрей Мунтян һәм Резеда Галиева кавышу туйларын билгеләп үттеләр. Алар районның ЗАГС бүлегендә никахларын рәсмиләштерде. Яшьләргә тигез матур тормыш, сүнмәс - сүрелмәс мәхәббәт телибез
-
Каратун мәдәният йорты хезмәткәрләре “Зөя“дә
14 июнь көнне кичке 8дән 10 га кадәр Каратун мәдәният йорты хезмәткәрләре "Зөя" ял-сәламәтләндерү үзәгенә барып концерт-дискотека программасы белән балаларны сөендереп кайттылар. Балалар бик җылы каршы алдылар, рәхәтләнеп биеделәр, кушылып җырладылар. Рәхмәтләрен әйтеп озатып калдылар.
-
Апас егете Әмир – беренче!
Апас егете Әмир Заһидуллин Чувашия Республикасында узган бокс буенча традицион турнирда катнашты. Ул 57 килограмм үлчәү авырлыгында 1 урынга лаек булды. Әмирнең уңышлары хакында гел ишетеп торабыз. Аңа киләчәктә дә уңышлар телибез!
-
Каратун авыл җирлегендә Ифтар мәҗлесе узды
Каратун, Морзалар, Заготзерно, Свияжскийда яшәүче мөселман кардәшләр Каратун мәктәбенә кунакка җыйналды. Ураза тотучыларны район башкарма комитеты җитәкчесе урынбасары Луиза Сафина тәбрикләде. Район мөхтәсибе Мирхәт хәзрәт Җамалиев үтемле вәгазьләр сөйләде. Әлеге җирлеккә кергән дүрт мәчет имамы да изге теләкләрен җиткерделәр. Мәктәп коллективы мул-сыйлы табын әзердәүдә ярдәм күрсәтте.
-
Апаста "Эковесна -2017"гә йомгак ясалды
Чираттагы шимбә киңәшмәсендә район башлыгы Рәшид Заһидуллин "Эковесна -2017" җиңүчеләренә бүләкләр, алдынгы китапханәчеләргә сертификатлар тапшырды