Апас мәдәният йортында Яңа ел тамашасы узды

Район мәдәният йортында Яңа ел бәйрәме уңаеннан "Этләшмик" дип исемләнгән концерт-тамаша узды. Тормышыбыздагы малга табыну, күршелекне оныту, юл куя белмәү, гаепне гел кешедән эзләү кебек тискәре күренешләрне тәнкыйтьләү, дуслык-татулык, берләмлеккә өндәүгә нигезләнгән иде ул. Мәдәният хезмәткәрләре тагын бер кат сәхнә осталыклары белән сокландырды.

Җыр-моңнар, биюләр бәйрәм кәефе өстәде. Район башлыгы Рәшид Заһидуллин райондашларны Яңа ел белән тәбрик итеп, изге теләкләрен ирештерде. Башкарылган һәм башкарылачак эшләргә тукталып үтте.