Чәйне кайчан эчәргә кирәк?

Күпләр “Ашаганнан соң шунда ук ярамый!” дигән фикердә. Имеш, ул ашказаны сутын бүлеп чыгарта һәм азык эшкәртергә комачаулый. Белгечләр ни киңәш итә соң?
Белгечләр чәйне рәхәтләнеп эчәргә киңәш итә. Ашар алдыннан да, ашаганнан соң да ярый. Аеруча яшел чәй файдалы. Сәламәтлек өчен көненә ике литрга якын сыеклык эчәргә кирәк. Ашаганда да чәйдән тыелсак, аны кайчан эчәбез соң? Бары тик бик каты кара чәйне һәм каһвәне чама белән кулланырга кирәк. Каты кара чәй канга тимер үзләштерүне киметергә мөмкин.
Белгечләр катгый кисәтә – ашауны чәй белән генә алыштырырга ярамый. Мондый “диета” ашказаны авыруларына, панкреатитка китерә.
Ә сез чәй яратасызмы, дуслар?

Чыганак: https://kiziltan.ru/articles/poleznoe/2022-11-09/ch-yne-kaychan-ech-rg-kir-k-3022829?utm_source=vk&utm_medium=social&utm_campaign=32350601