Апас үзәге матурлана, халык өчен уңайлыклар арта

Район хакимияте бинасы каршында моннан 30 ел элек пьедсталга бастырылган Ленин һәйкәлен үзәк сквердан узучылар хәзер шулай бөтен килеш күрә ала. Аны өлешчә томалап торучы трибуна сүтелеп, бушап калган урыны төзекләндерелә һәм биредә чәчәклек булачак. Ә Апас "Туган як" музее янәшәсендәге бушлыкта узган атнада менә шундый заманча, түләүсез автотукталыш ачылды.

- Йомыш белән район хакимияте, үзәк поликлиника, ветеринария берләшмәсенә килгән кешеләр машиналарын шунда калдыра ала. Бу үз чиратында Муса Җәлил, Совет, Кызыл Армия урамнарында машиналар хәрәкәте һәм җәяүлеләр өчен күпкә яхшы һәм куркынычсыз. Санитария-эпидемиология Үзәге тыкрыгында шундый ук автотукталыш төзелеше дәвам итә,-ди район башкарма комитеты җитәкчесе урынбасары Айрат Хәсәнов.

Ришат Җамалиев.