Апаста Бөек Җиңүнең 69 еллыгы уңаеннан митинг үтте

9 Май - Җиңү көне уңаеннан, район үзәге Апаста һәм авылларда бәйрәм митинглары үтте. Олысы-кечесе, барлык райондашлар әлеге чарада актив катнаштылар. Апас урамнары буйлап, шарлар, чәчәкләр, флагчыклар тоткан халык Батырлар Мемориаль комплексы янына агылды. Биредә батырлар истәлегенә веноклар салынды. "Беркем дә, бернәрсә дә онытылмый" дип исемләнгән әдәби-музыкаль чара һәркемнең күңеленә хуш килде. Тантанада район башлыгы Рәшид Заһидуллин, Казандагы "Апас якташлык җәмгыяте" вәкилләре, район хәрби комиссары катнашты. Барлык чыгышлар да батырлыкка дан белән сугарылган иде.