Бәйрәм белән сезне, кадерле әниләр!

Ноябрь аеның соңгы якшәмбесе Аналар көне буларак билгеләп үтелә. Җир йөзендә әнидән дә якын, әнидән дә рәхимле, мәрхәмәтле, әнидән дә олы зат юктыр. Хөрмәтле әниләребез! Сез дөньяда матур, сөйкемле, тыйнак, түземле кешеләр. Кыен чакларда да, шатлыгыбыз булса да, без иң элек сезне искә алабыз, хәлләребезне сезнең белән уртаклашабыз. Әни сүзен әйткәндә дә күңелләр нечкәрә. Сабырлыкта, түземлектә, миһербанлыкта тиңдәшсез булган олы затларны - Аналарны бәйрәм белән тәбрик итәм. Озын гомер, сәламәтлек, күңел тынычлыгы, балалар бәхете телим.
Рәшид Заһидуллин,
муниципаль район башлыгы.