Дәвешкә солдат егет кайтты

Дәвеш авылы егете Динар Латыйпов ерак Новосибирск шәһәрендә хезмәт итеп туган авылы Дәвешкә кайтты. Энергетик булырга әзерләнгән егет биредә Югары хәрби командование училищесында хәзерлек үтә. Командирларыннан мактау кәгазьләре дә күп аның.

- Бер ел сизелмичә үтте дә китте. Бирегә хезмәт итәргә Апас егете Ранис Гайфетдинов та килде. Бик дуслаштык без аның белән, икәү булгач бик рәхәт булды. Аның кайтырына да санаулы гына айлар калды. Авылда әтием Илнар, әнием Алсу, энекәшләрем Ленар белән Эмиль шатланып каршы алдылар. Укуымны дәвам итеп, үземә һөнәр алачакмын, - ди Динар.

Гөлзада Гатауллина.

Автор фотосы.