Районның барлык мәчетләрендә Ураза гаетләре узды

Ураза гаете уңаеннан барлык район мәчетләрендә бәйрәм чаралары үтте. Изге Коръән аятьләре укылды, зикерләр әйтелде.

Имамнар тарафыннан бәйрәм белән котлаулар яңгырады. Вәгазьләрдә Рамазан аеның мөселманнар өчен әһәмиятлеге ассызыклап үтелде.

Бәйрәм белән котлап Апас район башлыгы Рәшид Заһидуллин да мәчетләрдә булды. Ул Татарстан Президенты Рөстәм Миңнеханов котлауларын дини кардәшләренә җиткерде. Һәм шәхсән үзенең исеменнән Рамазан аеның йөзек кашы булып торган ураза гаете белән котлады.

Бәйрәм чараларын җәмәгать белән укыла торган гает намазы төгәлләде, намаз беткәннән соң илгә тынычлык һәм үсеш теләп догалары кылынды.