Табар Черкенендә “Мәрхәмәтле Татарстан” акциясе

Табар Черкене мәктәбендә "Мәрхәмәтле Татарстан" акциясендә барлык укучы да актив катнашты. Дәресләрдә һәм әти-әниләре белән бергәләп ясаган махсус күкрәк тамгаларын авыл урамнарына чыгып кешеләргә таратуны исә өлкән сыйныф укучылары һәм укытучылар башкарды.

Бу акция барышында Татарстан, Апас, Черкен авылларына кагылышлы яңалыклар, башкарылган мәрхәмәтле эшләр, үткәнебез тарихы, өлкәннәргә төрлечә булышу алымнары барланды. Бу акциядә бу көнне бирегә кунак итеп чакырылган район мәдәният бүлеге хезмәткәрләре үз өлешләрен кертте.

Ришат Җамалиев.