Апас теннисчылары Мария Шарапованы алыштырырга әзерләнә

Апаста өстәл теннисы буенча мәктәп Спартакиадасы программасы буенча быелгы беренче зур турнирда 20 мәктәптән 75 укучы көч сынашты. Ярышлар 3 өстәлдә Олимпия системасы буенча үтте.

Командалар беренчелегендә Апас, Каратун, Азбаба, Чүрибураш һәм Биеш командалары призлы урыннарга чыкты. Алинә Мөхәммәтҗанова, Язилә Мөхәммәдиева, Вероника Кузьмина, Салават Мәүлетов, Альмир Гайнетдинов Тимур Галиуллин, Регина Хәмидуллина, Рамил Маннапов шәхси беренчелектә призлы урыннар яуладылар. Иң көчле яш теннисчылар тиздән Сабада һәм Казанда үтәчәк өстәл теннисы турнирларында Апас спорт данын яклаячак.

Ришат Җамалиев.