Җиңүләр җиңел бирелми

Елдагы матур традиция буенча, 28 июльдә, Азбаба мәктәбе базасында авыл яшьләре арасында футбол ярышы булды. Биредә Апас, Кайбыч, Азбаба авыллары командалары катнаштылар. Җиңүләр җиңел бирелми, ярышлар бик кискен барды. Ә нәтиҗәләргә килгәндә беренче урынны Апас, икенче урынны Кайбыч, өченче урынны Азбаба яшьләре командалары алды. Аларның һәркайсына район яшьләр эше һәм спорт комитеты, балалар-яшүсмерләр спорт мәктәбе истәлекле бүләкләр тапшырдылар. Футболчылар үзләренә уңайлы шартлар тудырганнары өчен Азбаба мәктәбе коллективына рәхмәтле булдылар.