Каникуллар күңелле үтә!

Балалар һәм яшүсмерләр спорт мәктәбе көзге каникулларда районның яшь спортчылары өчен үз Кубок-призларына спорт программасы әзерләде.

1 ноябрьдә Апас «Дулкын» бассейнында балалар һәм яшүсмерләр төрле стильдә ераклыкка һәм тизлеккә йөзү бәйгесендә ярыштылар. Турнирда район үзәге, Каратун һәм башка авыл мәктәпләреннән төрле яшьтәге 100 гә якын бала катнашты. 30 октябрь-2 ноябрьдә Мамадышта узган Татарстан беренчелегенә мәктәптә укучы кызлар арасында Апас җыелма командасы 6 урын яулады. 1998-2001 елларда туган мини-футболчылар Кама Тамагында үткән турнирда катнаша, ул 11 ноябрьдә төгәлләнәчәк. 7 ноябрьдә Каратунда бокс буенча ДЮСШ беренчелегенә бу уку елындагы Спартакиада программасы буенча беренче уеннар үтәчәк.