Универсиада бүләге

Районның хөкүмәт йортында район башлыгы Рәшид Заһидуллин җитәкчелегендә киңәшмә булып узды. Анда төрле тармак җитәкчеләре, депутатлар, тренерлар, белгечләр катнашты. Республика бүләге булган спорт мәйданчыклары өчен урыннарны ике көн эчендә әзерләп куярга дигән максат куйды район башлыгы. Шулай ук кайларда булачагын да билгеләделәр. Волейбол, баскетбол, мини футбол мәйданчыклары Аграр көллияттә, Боз сарае янында, Каратунның Төзүчеләр урамына куелачак. Ә "Кояшкай" балалар бакчасына, Җиңү паркына һәм Яшьләр урамына балалар мәйданчыгы урнаштырылачак.