Молодец, Айгөл!

Апас мәктәбе укучысы Айгөл Василованың даны бик еракларга таралды. Спорт сөюче бу кыз ничек шулай танылган дисезме? Үзенчәлекле спорт төре - гер күтәрүне үз итте ул. Әтисе, абыйсыннан күреп кечкенәдән гер күтәрү белән шөгыльләнде. Һәм уңышлары да озак көттермәде. Ел саен бу тырыш кыз район, мәктәп данын яклап төрле бәйге­ләрдә катнаша, уңышлары белән сөендереп тора. Әле күптән түгел Архангельск шәһәрендә узган гер спорты мас­терларының дөнья чемпионатында катнашып, үз тиңдәшләре арасында 12 килограммлы герне бик оста "уйнатып" дөнья һәм Европа чемпионатында беренче урынны алды. Молодец, Айгөл! Без синең белән горурланабыз!