117600 сум аз акча түгелдер...

Район хезмәт һәм мәшгүльлек Үзәге җитәкчесе Рамил Сәлахов ел да районда берничә кешенең үз эшен ачу өчен дәүләттән ярдәм алуын хәбәр итә.
-Иң башта район салым хезмәтендә үз эшеңне ачу теләген исбатлап, аны рәсмиләштерергә кирәк булачак,-ди. -Шул документлары белән безгә мөрәҗәгать иткәч, без аңа барлык шартлар һәм таләпләрне яхшылап аңлатачакбыз. Уй-гамәлләрегез хупланган очракта бу кешенең банктагы исәбенә бер тапкыр бирелүче дәүләт ярдәме- 117600 сум акча күчерелә. Мондый ярдәмнән файдаланучылар арасында соңгы вакытта автосервис, чәчтараш остаханәсе ачучылар, брусчатка-плитка, такта-брус чыгару җиһазлары, халыкка төрле консультация, көнкүреш хезмәте күрсәтү өчен электрон техника алучылар бар.