2015 елгы табышларыңнан дәүләт белән дә бүлешергә кирәклеген онытмагыз- 1 майга декларация тапшыру вакыты төгәлләнә

Дәүләт хезмәтендә эшләүче җитәкчеләр тапшырган еллык керем-табышка бәйле декларацияләр дөреслеге махсус структуралар тарафыннан аерым тикшерелә. Йорт, машина, башка күчемсез милек сатып табыш алучылар да уяу булсын-тикшерү хезмәте ялган мәгълүматларга юлыкса, җитди чаралар кулланылуы ихтимал. Шуңа да район салым хезмәтенә ашыгыгыз. Ялгышсагыз-хатаны төзәтергә әле соң түгел. Хөкүмәт йортында узган брифингта әнә шул хакта сөйләделәр.

Район салым хезмәте җитәкчесе Рамил Нәбиуллин белдерүенчә. әлегә кадәр районда декларацияләр дөрес һәм үзвакытында тапшырыла. Райнда бу өлкәдә җитди таләп-кагыйдәләр бозу очраклары юк.