Апаста гадәттән тыш хәлләр һәм гражданнар иминлеге комиссиясенең утырышы узды

Татарстан премьер-министры Алексей Песошин республика гадәттән тыш хәлләр һәм гражданнар иминлеге комиссиясенең планлы утырышын үткәрде. Анда безнең районның быелгы язгы ташуга әзерлек мәсәләләре дә каралды. Республика җитәкчелеге Апас районында язгы ташуның тыныч һәм имин үтәчәгенә ышаныч белдерде. Татарстанкүләм чарадан соң район башкарма комитеты җитәкчесе Алмаз Гыйбадуллин район гадәттән тыш хәлләр комиссиясе алдына шулай ук конкрет таләпләр куйды, җитәкче-белгечләрнең хисапларын тыңлады.