Апаста тәрбияви чаралар дәвам итә

Район үзәк китапханәсе өлкәннәр белән берлектә оештырган күчмә чаралар дәвам итә. Шундый тәрбияви чараларның берсе - Апас аграр көллиятендә узды. Биредә укытучылар, студентлар, укучылар һәм әти-әниләр дә катнашты. Татарстанның атказанган мәдәният хезмәткәре, китап укучыларга тәрбияви повестьлары аша таныш булган Гөлсинә Галимуллина үзе дә Апас җирлегенә килде. Кичә аның "Алтын ачкыч" китабы бүлекләре буйлап сәяхәт рәвешендә барды. Биредә район башкарма комитеты җитәкчесе урынбасары Луиза Сафина, район мәдәният бүлеге җитәкчесе вазифаларын вакытлыча башкаручы Рөстәм Мингазиев катнашты.