Багыш мәчетендә җәйге лагерь

Менә инде 6нчы ел Багыш мәчете каршында җәйге лагерь эшли. Шушы еллар эчендә күпме бала динебезне, гореф-гадәтләрне өйрәнде, Коръән Кәримнән сүрәләр, аятьләр ятлады. Быел инде төп игътибар намаз укырга өйрәнүгә юнәлтелде. Балалар теләп йөриләр, бер-берсе белән аралашалар, лагерь ачылганны көтеп торалар.
Авылыбызның абыстайлары Сария апа Хөсәенова белән Фәридә апа Ярмиева лагерьны оештыралар. Авылыбыз кунагы Резидә Замалетдинова үзенең гыйлемен балаларга ирештерә.
Ата-аналар да һәм балалар да аларга бик рәхмәтле.