Игътибар, кырыкалдарларның яңа ысулы

Республикада кешеләрнең шәхси мәгълүматларын алу максаты белән шылтырату очраклары теркәлгән.
Апас районының пенсия фонды кисәтә: пенсия фонды хезмәткәрләре СНИЛС номерын тикшерү, банк картасы реквизитларын ачыклау максатыннан шалтыратулар ясамый. Хезмәткәрләр кешеләрнең өйләренә бармый, фатирларны тикшерми, пенсия төрләре турында мәгълуматлар белән йорттан-йортка йөрми. Барлык эшләр дә Пенсия фонды бүлегенең "Клиент хезмәте"ндә башкарыла. Машина белән чыккан очракта анда "мобиль клиент хезмәте" дип языла. Барлык хезмәткәрләрнең дә үзләре белән таныклыгы бар. Сак булыгыз!