Казанлылар өй эшләренең иң яратмаган төрләрен атады

Апастово-информ, 8 июнь 2022 - 17:55

860

Сораштыру нәтиҗәләре кер үтүкләү һәм җыештыруның казанлылар өчен өй эшләренең иң яратмаган төрләре булуын күрсәткән. Респондентларның 26 һәм 18 проценты аларны антирейтингның беренче позицияләренә куйган.

Казанлылар өй эшләренең иң яратмаган төрләрен атады

SuperJob сервисы үткәргән тикшеренү күрсәткәнчә, сораштыруда катнашучыларның 14 проценты савыт-саба юуны өйдәге иң яратмый торган эш дип атаган. Казанлыларның 9 проценты – ашарга әзерләргә, 2 проценты – азык-төлек сатып алырга, 1 проценты кер юарга яратмый.

Тикшеренү казанлыларның кер үтүкләүгә карата мөнәсәбәте яхшыруын күрсәткән. Кайберәүләр моның белән килешкән, икенчеләре кер киптерә торган җайланма сатып алган, өченчеләре бу эштән гомумән баш тарткан.

Шунысы кызык, кер үтүкләү даими нигездә башкарыла торган вазифалар сыйфатында бик сирәк телгә алынган. Респондентлар күбесенчә савыт-саба юу (76 процент) һәм азык-төлек сатып алуны (71 процент) даими рәвештә башкарыла торган вазифалар дип атаган.

Чыганак: https://tatar-inform.tatar/news/kazanlylar-oi-eslarenen-in-yaratmagan-torlaren-atady-5855590

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia