Шыгай халкын яңалык көтә

Зөя кебек үк киң, зур сулы булмаса да Имәлле елгасы да кайбер елларда бер дуамалланып ала. Шыгай авылы халкы көчле ташуларда шул вакытлы зур судан зыян күрә. Авылның бер урамын үзәктән аерып та куя ул кайчакта. Район гадәттән тыш хәлләр комиссиясе утырышында аның авыл эченнән узучы өлешен тирәнәйтү, ярларын ныгыту буенча эш башланачак дип хәбәр иттеләр.

-Ындырчы авылы янәшәсендә Бия елгачыгында шундый эшләр ике-өч ел элек уздырылган иде. Хәзер халык зур судан артык изаланмый, аны чистарту, агымын турайту буенча эш дәвам итәчәк,-ди район башлыгы урынбасары Марат Нуриев.

Ришат Җамалиев.