Совет заманында да шулай иде бит

-Быелдан башлап, аграр юнәлешле югары уку йортын тәмамлап юллама белән авылга эшкә кайтучы яшь белгечкә дәүләттән 300 мең сумлык матди ярдәм бирелә. Моннан тыш аның хезмәт хакына ай саен 6 мең сум өстәлеп бирелә. Тик бу дәүләт ярдәменә ия булу өчен яшь белгеч эш бирүче һәм район авыл хуҗалыгы, министрлык белән аерым килешү төзергә һәм шул эш урынында өзлексез 3 ел рәттән эшләргә тиеш,-ди район авыл хуҗалыгы идарәсе баш белгече Радик Латыйпов. Килешү өзелсә, кичәге студент эшен ташласа бу акчаларны кире алалар.
Ришат Җамалиев.