Табар Черкене авылында торак йорт яна

- 29 июльдә, төнге сәгать 12 тулганда Табар Черкене авылында торак йорт януы турында хәбәр керде. Вакыйга булган урынга янгын сүндерүчеләр һәм барлык җаваплы хезмәтләр кыска вакыт аралыгында барып җитсә дә, ут җәелергә өлгерде. Агач йорт торырга яраксыз хәлгә килде. Янгынның сәбәбе - элект челтәренең, чыбыкларының иске булуында. Ут-күздән сак булсак иде. Иске җиһазлардан файдаланмаска, тузган челтәрләрне вакытында алмаштырырга киңәш итәбез, - ди районның дәүләт янгын күзәтчелеге бүлеге өлкән тикшерүчесе Айрат Тимершин.