Урта Балтайдан Азат хәзрәт истәлекле бүләкләр тапшырды

Урта Балтайның "Минһаҗ хәзрәт" мәчете имамы Азат хәзрәт Гайнетдинов Мәүлид кичәсендә авылда дин тормышы, мөтәвәллият эшчәнлегенә бик зур өлеш керткән авыл эшмәкәре Азат Низамов һәм Илдар Хәйбуллин гаиләләренә зур рәхмәтен ирештереп, истәлекле бүләкләр тапшырды. Район юл төзелеше оешмасында җаваплы вазифа башкаручы Илдар һәм Дәүләки мәктәбендә укытучы булып эшләүче Фәния Хәйбуллиннарның мәктәптә бик тырышып укучы игезәк кызлары Илнара белән Динара, сеңелләре Зәринә бу бүләкләрне бик шатланып кабул итеп алдылар.

Ришат Җамалиев.