Янгелде авылында яшәүче Василий Аверьянов хөрмәтләнде

Янгелде авылында гомер итүче Хезмәт Даны орденының тулы кавалеры Василий Аверьянов 82 яшьлек гомер бәйрәме уңаеннан котлаулар кабул итте. Күпләргә нәтиҗәле һәм фидакарь хезмәте белән таныш ил агасы янында район башлыгы Рәшид Заһидуллин булды. Ул гомер бәйрәме белән котлап, изге теләкләрен җиткерде.
Василий Аверьянов хөрмәтенә район үзәгендә һәйкәл дә куелган. Үзе исән чакта ук хезмәт батырына әнә шундый зур хөрмәт күрсәтелә. Район башлыгы һәрчак аның янында була, хәлен белә. Бу юлы да акчатала бүләк һәм күчтәнәчләр тапшырды.