Язгы бозга керергә куркыныч

-Апас районында да табигый сулыклар шактый. Кышын балык тотарга районга Ульян, Буа, Канаш, Казаннан ук килүчеләр бар. Бүген инде бу хакта онытырга кирәк. Балаларны да язгы ташу вакытында бозга якын җибәрмәгез. Язгы боз ястык калынлыгы булса да аңа ышанырга ярамый. Боз астына китмәс, суга батмас өчен аңа аяк та басмавың хәерлерәк,-дип кисәтә дәүләт кече күләмле елга суднолары инспекторы Н. Нуриев.

Кама Тамагы районында урнашкан бу хезмәт вәкилләре безнең районда еш була һәм төрле тикшерү, кисәтү чаралары үткәрә. Ел да алар "ЗӨЯ" ял-сәламәтләндерү Үзәгенә килеп биредә ял итүче балаларга су буенда үзеңне ничек тотарга кирәклеген аңлата, төрле конкурслар игълан итәләр. Апаска быел да киләчәкбез дип кисәтеп куйдылар.

Ришат Җамалиев.