Зөядә быел да ярларын чистарту өмәсе үткәреләчәк

-Татарстанда 2017 ел экология һәм җәмәгать киңлекләре девизы астында үтәчәк,- диде журналистлар өчен 28 мартта үткән брифингта Татарстан экология һәм табигый байлыклар министры Фәрит Габделганиев.

-Россиянең иминлек министры Шойгу җитәкчелек иткән Рус география җәмгыяте (РГО) Татарстан сулыкларын өйрәнү маршрутына Чирмешән, Бола, Зөя елгаларын дә кертте. Байдарка-көймәләрдә йөзеп, гидроэкспедицияләр Иделгә кадәр аларның халәтен тикшереп чыгачак, апаслылар белән очрашачак. Узган елда уртак көч белән Зөя күпере тирә-юне чистартылган иде. Быел да районда елга-күлләрдә шундый акцияләр үткәрү планлаштырылды. Анда район мәктәпләре укучылары катнашуы да күздә тотыла,-дип хәбәр итә район башлыгы урынбасары Марат Нуриев.

Ришат Җамалиев.