Паркта Россия флагы көне билгеләп үтелде

(22 август, Ландыш Гайнуллина, “Апастово-информ”).

Дәүләт флагы азатлык һәм мөстәкыйльлек, ышаныч һәм рухият, бөеклек һәм көч-куәт кебек бөек төшенчәләрне үзенә берләштерә. Район мәдәният йорты хезмәткәрләре оештырган концерт чыгышлары да бүгенге истәлекле көнгә багышланган иде.

Район үзәк китапханәсе хезмәткәрләре Дәүләт флагы көненә карата күргәзмәләр әзерләгәннәр. Парк мәйданында Россия тарихын һәм аның бөек шәхесләрен чагылдырган китаплар, быелгы истәлекле даталарга багышланган фотоальбомнар да урын алган иде.